२०१२ मध्ये एका छोट्याशा शैक्षणिक उपक्रमाचे बीज रोवून, अरुण पवार यांनी पुढील १३ वर्षांत शिक्षण, आरोग्य, पर्यावरण आणि सामुदायिक विकास या क्षेत्रांमध्ये आपल्या कार्याची ठसा उमटवला. उभारलेल्या निधीमधून त्यांनी गरजू विद्यार्थ्यांना शिष्यवृत्ती मिळवून दिली अनेक विद्यार्थ्यांच्या डोळ्यातील स्वप्ने त्यांनी त्यांच्या छोट्याशा उपक्रमाने साकारली. ‘आरोग्य हेची धन’ या तत्त्वावर त्यांनी अनेक आरोग्य शिबिरे गावागावांत नेली. पर्यावरणासाठी झाडांचे कोंदण उभे करताना त्यांनी कचरा व्यवस्थापन, प्लास्टिकमुक्त मोहिमा आणि जनजागृतीच्या माध्यमातून अनेक हात या चळवळीत जोडले.गरजू माणसाच्या हाकेला धावून जाणारे पवारसाहेब त्यांच्या प्रत्येक समस्येवर मार्ग काढत — म्हणूनच त्यांनी पायाभूत सुविधा, महिला सक्षमीकरण आणि बेरोजगार तरुणांसाठी कौशल्य प्रशिक्षण अशा उपक्रमांद्वारे समाजाला नवसंजीवनी दिली.

वृक्षप्रेमी असणारे अरुण पवार यांना त्यांच्या समाजसेवेच्या आणि पर्यावरण संवर्धनाच्या कार्यासाठी ‘समाजभूषण’, ‘धारूरत्न’ आणि ‘छत्रपती शिवाजी महाराज वन श्री’ हा वन विभागाचा मानाचा पुरस्कार मिळाला आहे.पुरस्कारांनी गौरवलेले हे कार्य केवळ सन्मानापुरते मर्यादित नाही, तर त्यांच्या कार्यामुळे असंख्य स्वयंसेवी संस्था, सरकारी यंत्रणा आणि सामान्य नागरिक एकत्र येऊन समाजभानाने पुढे येत आहेत.

अरुण पवार यांच्यासाठी समाजसेवा ही नोकरी नाहीतर ती एक जबाबदारी आहे — आणि हीच जबाबदारी ते व्रतासारखी निभावत आहेत.