🌳🌱वृक्षारोपण अभियान🌱🌳

शनिवार,दि :- २ ऑगस्ट २०२५ रोजी, सनफ्लॉवर पब्लिक स्कूल, मारूंजी येथे महाराष्ट्र कामगार कल्याण मंडळ, गुणवंत कामगार कल्याण मंडळ, मराठवाडा जनविकास संघ (महाराष्ट्र राज्य) व सनफ्लॉवर पब्लिक स्कूल यांच्या संयुक्त विद्यमाने एक प्रेरणादायी वृक्षारोपण अभियान यशस्वीरित्या पार पडले.या अभियानामागील हेतू केवळ झाडे लावणे नव्हता, तर निसर्गाशी आपली नाळ जोडणे आणि भविष्यासाठी हिरवा विचार रुजवणे हा मुख्य उद्देश होता. कार्यक्रमाची सुरुवात खास पाहुण्यांच्या उपस्थितीत उत्साहात झाली. सर्व मान्यवर, शिक्षक, अधिकारीवर्ग, विद्यार्थी व वृक्षमित्र मोठ्या संख्येने उपस्थित होते. सर्वांनी एकत्र येऊन वृक्षपूजन केले व नंतर पवित्र अशा वृक्षपालखीचे आयोजन करण्यात आले. त्यानंतर सर्वांनी एकत्र येऊन शाळेच्या परिसरात विविध प्रकारच्या झाडांची लागवड केली. या अभियानाच्या माध्यमातून पर्यावरणसंवर्धनाचे महत्व पटवून देण्यात आले. विद्यार्थ्यांनी सृजनशील पद्धतीने सहभाग नोंदवून एक आदर्श उदाहरण घालून दिले. कार्यक्रमात सर्व मान्यवरांचा सत्कार करण्यात आला. कार्यक्रमाच्या यशस्वी आयोजनासाठी सर्व आयोजक, वृक्षमित्र, शिक्षकवर्ग, अधिकारी आणि विद्यार्थी यांनी अतिशय मोलाचे योगदान दिले. त्यांच्याविषयी मन:पूर्वक आभार व्यक्त करण्यात आले. हे वृक्ष केवळ रोवले गेले नाहीत, तर एक नवा संकल्प रुजवला गेला हिरव्या महाराष्ट्राचा आणि स्वच्छ पर्यावरणाचा !